Mia san oans.

Auf am Planeten dahoam,

der uns gebährt und ernährt.

Irgendwos rennt do völlig verkehrt.

Mia san oans.

Oa Leben oder koans,

triebn von unsrer Gier,

begreif ma des scheinbar nia.

Mia san oans.

Und a jeda hod sei eigene Gschicht.

Lassts uns ertrogn, wos da andere moant,

weil sunst irgendwann olles zerbricht.

Mia san oans.

Oa Leben oder koans.

De Zeit rennt uns davo,

in der man no was reißn ko.

Mia san oans.

Wenn ma des ned aa endlich zoagn,

bleibn nur no Tränen und Scherbn.

Und wia wer ma des de Kinder erklärn?

Mia san oans.

No is ned ois verlorn.

Wos grod passiert, is koa Spaß,

und de Lösung, de hoaßt bestimmt ned Hass.

Mia san oans… Mia san oans… Mia san oans!

Mia san oans… Mia san oans… Mia san oans!

Mia san oans.

Oa Leben oder koans.

Lassts uns unsre Händ und Herzn rührn,

weil Menschen samma nur, weil ma liabn.

Mia san oans.


Zeit der Deppen

Sog ma, was is bloß passiert,

dass de hoibe Welt as Hirn verliert?

Und bist du no so sehr verlinkt,

huift nix, weil der Fisch vom Kopf her stinkt.

Am Hebel sitzen knallharte Entscheider,

Vernunft egal, Hauptsach, es geht was weida.

De Geldbeitl prall und schwer,

de Hirne leider weniger.

Und de Welt, sie brennt an alle Ecken,

es is de Zeit der Deppen.

Wenn se heit no oana zweifeln traut,

werd eam auf de Finger ghaut,

Sie verzähln uns, dass der Kriag der Weg zum Frieden is,

und dass de Panik von uns völlig übertrieben is.

Aus ihre Händ tropft Öl und Bluat,

und aus meim Herz tropft Angst und Wuat.

Sie hobn koa Mitleid zum verschenga,

aber Kriag is as Gegenteil von Denga.

Und de Welt, sie brennt an alle Ecken,

es is de Zeit der Deppen.

In Zeiten wia heit schrein de Deppen ganz laut

Und de Gscheidn bleibn stumm, weil se koana mehr traut.

Mia trudeln dahi, machan des, was’s uns sogn,

und werdn dabei fast von unsre Ängste daschlogn.

Schlechte Zeiten für Dichter und Denker,

aber sauggeile Zeiten für Richter und Henker.

A jeder hot oa Seel nur zu retten,

es is de Zeit der Deppen.

Und de Welt, sie brennt an alle Ecken,

es is de Zeit der Deppen.

Und a wenn ma liaber Gscheide hätten,

es is de Zeit der Deppen.